عادات المناطق اللبنانية بعد الأكل

جود من الموجود ما تعذب حالك، من حواضر البيت، ومعقول ما يكون الموجود سفرة طويلة عريضة؟ تبلش بمتبل وورق عنب تنتهي بمشاوي، بغض النظر شوفي اكل ما فيكن تهربوا من عوايد وتقاليد كل منطقة بلبنان بعد الاكل:

بيروت:

(الزيتونة متل ما بدك منها بدها منك) كاسة زيتون أسود او أخضر ما بتفرق مع شوية زعتر وزيت اكّلة، صح هي عادات قديمة بس بعدهم لهلأ على قولة السّت البيروتية بنضفوا تمهم من الزفرة بالزعتر والزيتون.

الجنوب:

لو أد ما عبيت الكرش وصار معك تخمة من الأكل، هي والسفرة عم تنضب بكون ابريق الشاي عل نار، تقاليد جنوبية شاي غاز أو الفحم ما بتفرق المهم يكون لونه أسود وينغلا منيح (هيك منهضم).

الشمال:

مستحيل يكون الغدا خالص وما يرقعوا من بعدها شي فنجانان قهوة، ومن بعدها لازم يكون في لقمة حلو عل طاولة ياكلوها, شو كان نوعه.

الجبل:

ما بيخلا البيت الجبلي من دون ما تكون المتّة حاضرة، هيدي البيئة الجبلية بتشرب المتّة بعد الاكل لحد القداسة لأنهم بيعتبروها مشروبهم القومي والرمزي.

البقاع:

مربى ولبن، اي شوي غريبة كيف مجموعين سوا! ما تستغربوا بس لما تدوقوا هل اكلة الشعبية المشهورة بالبقاع بعد الأكل لح تعرفوا ليش بحبوها.